Во медитацијата целиот процес го води трето лице. Говорникот нè доведува во алфа-состојба на умот. Ние сме будни и свесни додека слушаме, но не спиеме туку влегуваме во релаксирана медитативна состојба. Водечките медитации за кои говориме овде не се однесуваат на хипнотерапевтски методи или конвенционални аудиопрограми од литературата за личен развој, туку говориме за синтеза на техники кои вклучуваат медитативна музика, длабока релаксација и водени слики. Овој начин на медитирање помага чекор по чекор да го смириме движењето на мислите во својот ум, да започнаме со себеспознавање, и дава предзнаење и насока за да продолжиме потоа самостојно да медитираме.

Знаејќи ги придобивките од медитациите, како и важноста од намалување на стресот и одржување на имунолошкиот систем на високо ниво, за вас подготвивме пакет од 8 (осум) различни водечки медитации. Секоја медитација има своја приказна и е со времетраење во просек од 20-ина минути. Музиката во медитациите е релаксирачка и на фреквенција од 432hz. Медитациите се снимени професионално во студиото на Александар Митевски Pikado Creative Collective во Скопје, со гласот на Катерина Ангеловска.

Овие водечки медитации се наменети да бидат релаксирачки , а не се за дијагностицирање, терапија или третман на било какво нарушување на здравјето на човекот. Доколку сте болни или чуствувате било какви симптоми на нарушена здраствена состојба, потребно е да се обратите на професионално медицинско лице. Авторот и издавачот во никој случај не се одговорни за било каква злоупотреба на содржината на оваа веб страна.