Секој од нас е дел од еден поголем систем, нашето семејство. Исто како што од предците наследуваме физички карактеристики како бојата на очите или косата, така на едно подлабоко, несвесно ниво, со генерации се пренесуваат и неразрешените емоционални трауми, тешките судбини, стравовите, па дури и блокадите со кои се соочуваме денес.

Системските семејни констелации се моќна терапевтска метода која ни овозможува да го погледнеме семејството како една „жива мапа“. Кога некој член во минатото доживеал голема неправда, загуба или бил исклучен и заборавен, системот ја губи својата рамнотежа. Таа рамнотежа несвесно се обидуваат да ја вратат помладите генерации, така што на свој грб преземаат товари, вини и обрасци на однесување кои реално не им припаѓаат ним.

Како помага овој процес?

Наместо со години да се прашуваш зошто повторно и повторно удираш во истите ѕидови во кариерата, љубовта или здравјето, констелациите го изнесуваат „невидливото“ на површина. Преку влегување во т.н. информациско поле, се открива точното место каде што настанало прекинувањето на протокот на љубовта и поредокот во системот.

Кога со почит ќе го погледнеме и признаеме она што било во минатото, блокадата се раствора. Твојата семејна лоза престанува да биде извор на товар и станува она што отсекогаш требало да биде, твојот најголем корен, сила, поддршка и крилја за иднината.